WASHINGTON, AP.- Mayoria merikano ta konsiderá ku presidente Donald Trump a interferí den e investigashon relashoná ku interferensia di Rusia ku elekshon di 2016 i e posibel konspirashon di e kampaña di Trump, segun enkuestanan nobo.
Despues ku Comey a paresé dilanti di Kongreso, un enkuesta nobo di Assosiated Press-NORC Center for Public Affairs Research ta mustra ku 68% di merikanonan ta preokupá pa e posibilidat ku Trump i esnan asosiá kuné den su kampaña tabatin relashonnan indebí ku Rusia. Kasi mitar di e merikanonan a bisa ku nan ta preokupá. Solamente 3 di 10 a bisa ku nan no ta preokupá.
Di e republikanonan, 62% a indiká ku nan ta niun tiki òf no masha preokupá pa vínkulonan ku Rusia. Ounke mas di mitar di e komunidat merikano a bisa ku nan no ta di akuerdo ku Comey su retiro. Un total di solamente 22% di merikanonan ta sostené su retiro.
Seis di 10 merikano ta pensa ku Trump a interferí òf stroba e investigashon. Mayoria ta demókratanan independiente. Solamente 25% di e republikanonan ta konsiderá ku Trump a interferí den e investigashon.
