ASUNCION, AP.- E presidente di kumbre di Mercosur a pidi Paraguay un solushon pasífiko pa e krísis sosial i polítiko den Nicaragua i a pidi Venezuela pa habri vianan di komunikashon pa e koperashon humanitario pa loke ta e fluho migratorio.
E blokeo duanero regional, fundá na 1991 pa Argentina, Brasil, Paraguay i Uruguay, a reuní na Luque, un siudat serka di Asuncion i a destaká “e importansia di promové pas, restablesé e klima di kombibensia pasífiko, respetá institushonalidat demokrátiko i garantisá e derechi di siudadania pa manifestá”, na Nicaragua.
El a enfatisá su rechaso pa tur tipo di violensia, i a indiká ku “mester start un diálogo nashonal koordiná pa Konferensia Episkopal ku e ophetivo di konsensuá un solushon pasífiko” i a rekomendá pa “sostené e esfuersonan di koperashon na nivel di e Komishon Interamerikano di Derechi Humano pa e investigashon i aklará e echonan di violensia”.
Pa loke ta Venezuela, a grupo a pidi e gobièrnu di Nicolás Maduro “pa koordiná e establesimentu di kanalnan ku e komunidat internashonal i duna akseso pa yudansa humanitario i asina kuminsá resolvé e krísis sosial i migratorio” i a pidi pa “un sistema pa e interkambio di informashon epidemiológiko ku e paisnan den region”.
