GUATEMALA, AP.- Polis di Guatemala a detené ayera un merikano buska pa FBI pa supuesto homisidio di un muhé na California.
Edward LeeLeblanc di 38 aña ta akusá di hinka un muhé na 2008 despues di un diskushon. Segun e reporte di FBI e hòmber a bai ku e kadaver di e víktima i a kima esaki i despues a der’é den desierto di California. Na 2013 korte supremo a ordená detenshon di e hòmber.
Jorge Aguilar bosero di Polis Nashonal Sivil a informá di detenshon di e hòmber na Cuyotenango, un munisipio di e departamento di Suchitepequez na 170 kilometer di e kapital kaminda LeBlanc tabata biba di forma ilegal.
“E hòmber lo keda trese e kapital kaminda lo presente na imigrashon despues e lo keda deportá pa su pais”, asina Aguilar a bisa. El a agregá ku ora a detené Leblanc el a duna nòmber falsu.
Outoridatnan merikano tabatin e sospecho ku el a biaha pa Sentroamerika. FBI tabata ofresé un rekompensa di 20 mil dòler pa informashon ku por kondusí na su detenshon.
