WASHINGTON, MERKA, AFP.- Merka a anunsiá un suma di 400 mion dòler adishonal pa yudansa militar na Ukrania.
E programa nobo ta den forma di munishon pa sistemanan di lansa rakèt, inkluyendo vehíkulonan bullet-proof Bradley i otro ekiponan merikano, segun indikashon di un komunikado di Departamento di Estado.
“Solamente Rusia por pone fin na e guera. Segun Rusia sigui, nos lo para fuerte tras di Ukrania pa reforsá su ehérsito i sòru pa esaki krea un posishon mas fuerte posibel”, asina e komunikado a agregá.
Vários pais oksidental a primintí e presidente ukraniano, Volodymyr Zelensky, ku lo aselerá e suministro di arma pa permití ku forsanan ukraniano por lansa un atake nobo kontra trupanan ruso, básikamente den parti ost di e pais.
Merka a entrega i primintí mas ku 32.000 mion dòler na diferente arma na forsanan di Kiev desde komienso di e invashon ruso riba 24 di febrüari 2022.
