PODGORICA, MONTENEGRO, AFP.- Sinku persona a resultá heridá djabièrnè den un atake suisidio ku eksplosivo den entrada di un korte di Podgorica, e kapital di Montenegro, segun indikashon di polis.
Un hòmber a aktivá e aparato eksplosivo despues ku el a drenta e edifisio di korte i a muri mesora, segun indikashon di e hefe di polis sientífiko di Montenegro, Srdjan Korac.
Te ainda, e motibu dikon e hòmber di 39 aña a kometé e akto aki no ta konosí.
Polis a sera e zona despues di e eksploshon ku a tuma lugá den oranan di mainta. No tabatin daño pafó di e edifisio, segun un periodista di AFP.
Insidentenan violento no ta frekuente den e pais na sùitost di Europa.
Krímen organisá i korupshon ta e dos problemanan di mas importante na Montenegro, ku ta negoshando pa bira miembro di Union Europeo.
