SOMERSET, NEW JERSEY, MERKA, AP.- Asesornan di presidente Donald Trump a atvertí djadumingu ku Norkorea mester para ku su programa di arma i stòp di menasá otro paisnan.
E atvertensianan a surgi un dia despues ku lider Kim Jong Un a hura di kontinuá ku su programa béliko i a afirmá ku Norkorea ta serka di su meta di logra e “ekilibrio” militar kontra Merka.
Trump lo duna un diskurso djamars dilanti di Asamblea, su promé aparishon dilanti e organismo mundial i su protagonismo internashonal mas haltu desde ku el a asumí presidensia den yanüari. Trump a kritiká Nashon Uni kalifikando e komo debil i inkompetente.
Djadumingu Trump a tweet ku el a kombersá na telefòn ku e presidente surkoreano Moon Jae-in riba e situashon ku Norkorea. Trump a papia despues di su klup di Gòlf na New Jersey, kaminda fuentenan a indiká ku e ta preparando pa su debut dilanti di Nashon Uni.
E asesor di seguridat nashonal H.R. Mcmaster a bisa ku Norkorea ”mester bandoná su armanan nuklear paso e presidente a bisa ku e lo tolerá ku e régimen ta sigui menasá Merka, i menasá nos siudadanonan ku arma nuklear”.
