WASHINGTON, AP.- Un órgano di kontròl interino a relatá ku tin kuminda putrí, bañonan den mal kondishon i práktikanan di Departamento di Seguridat Nashonal di Merka den e sentronan di detenshon pa migrante ku por violá nan derechinan humano.
Ofisina di Inspektor General a realisá algun bishita na kuater instalashon di California, Louisiana, Colorado i New Jersey entre mei i novèmber di aña pasá, segun un rapòrt publiká pa e organismo di kontròl. E sentronan di detenshon tin un total di 5.000 migrante.
E rapòrt a wòrdu publiká miéntras presidente Donald Trump ta lidia ku un problema ku ta empeorá e frontera entre Merka i México, dor di e oumento drástiko di sentroamerikanonan ku ta sigui yega.
Outoridat di inmigrashon a detené un kantidat kresiente di adulto, aktualmente di 52.000, pero ta haña rekurso pa atendé ku solamente 45.000. e gobièrnu a pidi 4.500 mion dòler mas pa konstruí mas espasio pa e migrantenan.