WASHINGTON, AP.- E trùknan i avionnan di karga ta kla pa distribuí e dósis di vakuna kontra di COVID-19 na Merka, un operashon kompliká dirigí pa un general, kende su ritmo finalmente lo ta mas poko poko di loke tabata spera den último lunanan.
E general di ehérsito Gus Perna direktor operativo di operashon Warp Speed tin simannan ta hasiendo ku su trupanan militar di e departamento di defensa i ekspertonan di departamento di salú realisá ehersisionan di karga di dia kaminda agensianan di medikamentu di Merka FDA ta kla ku e vakunanan di Pfizer/BioNTech i Moderna loke mester sosodé poko despues di 10 pa 17 di desèmber respektivamente.
E plan ta konsistí di entrega e promé lote di dósis di e vakuna Pfizer den 24 ora na tur hospital i otro sitionan ku pidi esaki. Di e 6,4 mion di dósis disponibel, mitar ta keda entrega mesora i e otro mitar ta reserva pa e di dos dósis, tres siman despues i komo medida di prekoushon, asina un funshonario haltu di gobièrnu a informá.
Niun sòldá lo repartí e vakunanan. Gobièrnu federal lo paga e dósis i lo duna òrdu na e sektor priva pa nan tuma enkargo di e logístika.
E dósisnan di Pfizer ta sperando na su fábrika di Kalamazoo Michigan.
