PROVIDENCE, RHODE ISLAND, MERKA, AP.- Debí na falta di pago pa e siere parsial di gobièrnu federal, Cheryl Inzunza Blum a buska un fuente alternativo di entrada ku a resultá popular den e ekonomia aktual. El a hür un kamber riba Airbnb.
Otro empleadonan di e gobièrnu ta manehando pa Uber, dependiendo di trabou temporal den mantenshon i pa yuda paga nan kuentanan durante e siere federal mas largu den historia di Merka.
Míles di empleado di gobièrnu no ta hañando salario tin mas opshon ku durante sierenan federal anterior, debí na un ekonomia alternativo proveé pa kompanianan manera Airbnb, Uber òf Lyft,
Inzunza a disidí na kapitalia e temporada di fakansi den wenter na Arizona pa paga su kuentanan despues ku el a stòp di haña pago komo abogado den un korte di inmigrashon na Tucson. El a bisa ku e no tin otro opshon ku sigui traha sin haña pago, debí ku su klientenan ta dependé di dje. Algun di su klientenan ta detené òf tin kaso andando den korte.
Inzunza ta kobra gobièrnu pa su trabou, pero e ofisina ku ta prosesá su pago a stòp ku esaki debí na e siere.
E ekonomia alternativo no ta un alternativo lukrativo, algu ku empleadonan federal ta deskubriendo.
