WASHINGTON, AP.- Shete legislador demókrata, inkluyendo vários resien eligí, a yega Kas Blanku djárason pa pidi presidente Donald Trump pa habri gobièrnu miéntras e negosiashonnan riba seguridat na frontera ta kontinuá.
Esaki ta e promé grupo di demókrata, aparte di e lidernan, ku a reuní ku Trump durante e siere federal. Kas Blanku ta purbando di dividí e demókratanan, invitando algun legislador pero no e presidente di Kámara di Representante Nancy Pelosi. Entre esnan ku a presentá na e reunion di djárason tabatin sinku legislador resien eligí. Vários di nan no a sostené Pelosi pa ehersé e puesto komo lider di e kámara.
Promé ku e reunion, nan a skibi “ku tin indikashonnan ku si nos habri gobièrnu, nos por krea e posibilidat pa traha huntu i haña un posishon komun”.
Trump kier 5.700 mion dòler pa su muraya na frontera ku México, pero e demókratanan ta oponé kontra e suma aki.
Ekonomistanan di gobièrnu a indiká ku esaki ta un sla muchu mas fuerte di loke a spera pa e ekonomia.
