BEIRUT, AP.- Vários sòldat merikano a muri djárason despues di un eksploshon na momentu ku nan tabata realisando un patruya di rutina na Siria. esaki ta e promé mortonan di Merka, desde ku presidente Donald Trump a anunsiá su intenshon di retirá e trupanan di e pais.
Estado Islámiko a deklará responsabel pa e atake inusual na Manbij, un siudat na nort di Siria, patruya pa ehérsito merikano. E grupo a bisa ku un suisidio ku un chaleko a okashoná e eksploshon.
Videonan distribuí pa aktivista i agensianan di notisia lokal a mustra un restorant ku a sufri dañonan grave i un kaya kubrí ku ruina.
Un konseho munisipal i un grupo ku ta monitòr e guera na Siria a bisa ku e eksploshon a tuma lugá serka di un restorant serka di e merkado prinsipal di e pueblo, na momentu ku un patruya di e koalishon liberá pa Merka a pasa. Esaki a laga un saldo di riba dies víktima, entre morto i heridonan.
Opservatorio Sirio pa Derechi Humano, ku sede na Gran Bretaña, a bisa ku 16 persona a muri, inkluyendo nuebe sivil, i por lo ménos sinku kombatiente sirio ku ta respaldá Merka.
E mando merikano a emití un komunikado anunsiando e atake. E atake ta pasa algun dia despues ku Merka a kuminsá ku su retiro di Siria i trasladá pa Irak.
