BOGOTA, AP.- E gobièrnu di Donald Trump a sanshoná e yu hòmber di Nicolás Maduro, den su esfuerso pa oumentá preshon riba famia di funshonarionan haltu ku ta sostené e lider sosialista i sospechoso di korupshon.
E Departamento di Finansa merikano a kongelá plaka di Nicolás Maduro su yu na Merka i a prohibí e merikanonan pa hasi negoshi kuné.
E yu di Maduro, di 29 aña, a mantené un presensia diskreto na Venezuela. Pero su karera polítiko a desplegá algu despues ku su tata a wòrdu elegí na aña 2013, despues ku el a wòrdu nombrá komo hefe di e kuerpo nobo di inspektor pa e presidente, kual a kousa krítika di korupshon polítiko.
Aparte di esaki e ta miembro di asamblea konstitushonal, un rival di kongreso kontrolá pa oposishon, i akusá di reforma konstitushon di e pais. el a duna un diskurso intento na aña 2017, primintiendo di ataká Kas Blanku komo un kontesta na Trump su menasa di usa forsa militar pa kita su tata di poder.
E sanshonnan den su kontra ta marka e inisio di un strategia nobo kontra famia di esnan den gobièrnu.
Un funshonario merikano a bisa ku e gobièrnu ta evaluando medidanan nobo, den un intento pa kontrarestá korupshon di aliadonan sosialista importante.
