WASHINGTON, MERKA, AFP.- Merka a bisa ku lo introdusí sanshonnan si Somalia bolbe keda sin kumpli ku fecha di elekshon.
Lidernan somalí a anunsiá djadumingu ku e elekshonnan di aña pasa lo tuma lugá riba 25 di febrüari.
“Elekshonnan na Somalia tin mas di un aña atrasá. Merka a prepará pa tuma medidanan si no kumpli ku agènda di Konseho Nashonal di Konsulta”, segun indikashon di departamento di Estado di Afrika riba Twitter.
E mandato di presidente Mohamed Abdullahi, konosí komo Farmajo a kaba den febrüari 2021 pero a wòrdu ekstendé te ku aprel. Esaki a kousa protestanan violento i mortal riba kayanan di Mogadishu.
Potensianan mundial a bisa ku e retrasonan aki, i tambe e guera friu entre Farmajo i Promé Minister Mohamed Hussein Roble por kousa un serie di problema pa e pais ku no tabatin un gobièrnu stabil den tres dékada.