NEW YORK, AP.- Merka ta avansando den su negosiashonnan ku México i Canada tokante impuesto riba heru, segun e sekretario merikano di Tesoro, Steven Mnuchin, kual por habri kaminda pa un akuerdo komersial entre e tres paisnan.
Mnuchin a anunsiá ku e lo biaha pa Beijing, huntu ku e representante komersial Robert Lighthizer pa reanudá su negosiashonnan komersial riba e tema di impuesto.
E disputanan komersial di Merka tin hopi analista preokupá pa e posibilidat ku e kostonan adishonal i interupshonnan den e kadena di suministro ta afektá gastu di e konsumidó, disminuí ganashinan korporativo i lo desaselerá e ekonomia merikano, kual a krese ku 3,2% den e promé trimèster. Trump ta insistí ku e akuerdonan komersial di pasado ta un desbentaha pa su pais i ku sosionan komersial manera China i Europa ta probechá di Merka den e ámbito komersial.
Merka a negoshá un akuerdo komersial ku México i Canada pa remplasá TLCAN. Pero algun legislador merikano ta atvertí ku e pakto no ta bai wòrdu aprobá te ora ku Washington anulá e impuesto di heru implementá aña pasá pa e paisnan aki.
