BAGDAD, AP.- Un atake aéreo kontra kombatientenan di e grupo Estado Islámiko den siudat Irakí di Mosul, ku segun testigunan a laga por lo ménos 100 persona morto, a wòrdu lansá pa forsanan merikano, segun indikashon di funshonarionan merikano.
E funshonarionan merikano no a konfirmá e vershonnan tokante e mortonan sivil pero a kuminsá un investigashon. Den e dosnan despues di e atake aéreo di 17 di mart, e funshonarionan merikano a indiká ku nan no tin sigur ku e forsanan di su pais tabata tras di e atake.
Segun e komunikado di e koalishon di Merka, e forsanan di seguridat irakí a pidi un atake aéreo kontra kombatientenan i ekipo di e grupo Estado Islámiko.
Efektivonan di gobièrnu sostené pa Merka a kombatí forsanan di estado Islámiko de e zona na wèst di Mosul, segun indikashon di e komunikado.
E koalishon a bisa ku e ta konsiderá e vershon tokante e mortonan sivil ku seriedat i ku a lansa un investigashon pa determiná e echonan rondó di e atake i balides di e afirmashonnan.
