SIUDAT DI MEXICO, AP.- Outoridat di Siudat di México a kuminsá ku demolishon di e promé entre 150 i 200 edifisionan ku a resultá gravemente daña durante un temblor dia 19 sèptèmber, asina hefe di Instituto pa Seguridat di Konstrukshon di Siudat a bisa.
E temblor di magnitut di 7,1 a kousa morto di 369 persona i derumbe di por lo ménos 39 edifisio, den su mayoria edifisio residensial. Alrededor di mei desena di struktura residensial. Alrededor di mei desena di struktura a basha den otro.
Sinembargo, Renato Berron, titular di Instituto pa Seguridat di Konstrukshon, a bisa ku sentenar di edifisio a sufri dañonan struktural mas grandi. El a afirmá ku algun lo wòrdu drecha, pero ku e prioridat lo ta pa basha strukturanan ku ta pone otro edifisionan i personanan ku ta pasa den e área na peliger.
Berron a bisa ku e siudat a kuminsá basha edifisionan abou i lo sigui ku algun mas durante próksimo simannan.
El a ninga di duna komentario riba e kostoof tempu ku esaki lo tuma: mayoria ta teme apelashon legal di algun residente. Sin embargo, Berron a bisa ku ya el a yega na un konsenso ku propietario di e promé 11 edifisionan ku ta bai wòrdu destruí.
