SIUDAT DI MEXICO, AP.- México a deportá 81 migrante haitiano, segun informashon di Instituto Nashonal di Migrashon.
Segun medionan mehikano, e haitianonan a purba hui for di e Boeing 727 promé ku esaki a lanta for di e aeropuerto internashonal di Tapachula, den estado di Chiapas, rumbo pa Port-au-Prince, e kapital di e pais karibense.
Segun e korant El Sol di México, outoridat a tarda kuater ora pa haña kontrol di e situashon i 10 polis mehikano a resultá herida.
Washington a preshoná México intensamente pa e pais redusí e fluho di migrantenan ku ta krusa e teritorio pa yega frontera ku Merka. Mayoria di e migrantenan ta di Amérika Sentral, ounke mayoria mas ta yega for di Afrika, Asia i otro paisnan karibense.
