MEXICO, MEXICO, AFP.- Mexico lo haña surplusnan presupuestario pa e oumento drástiko di preisnan di petroli, ku e lo destiná pa supsidiarionan di kombustibel i kontené e inflashon, asina presidente Andres Manuel Lopez Obrador a anunsiá.
“Nos tin e suèltu, e fortuna di konta ku petroli. Nos ta hañando surplusnan. Nos lo usa esakinan pa supsidiarionan di kombustibel, pa e oumento di preis di gasolin, diesel no afektá nos”, asina Lopez Obrador a bisa den un konferensia di prensa.
E mandatario iskierdista a konfia ku e medida lo yuda kontené e inflashon, ku a yega te na 7,07% den 12 luna na yanüari dilanti di un meta ofisial di 3% punto porsentual. E preis di krudo mehikano, kalkulá na 55,1 dòler pa barí den e presupuesto nashonal 2022 a subi te na 115 dòler komo konsekuensia di e guera na Ukrania.
“Si nos kontrolá e preis di kombustibel i di koriente, tur kos lo subi”, asina Lopez Obrador a atvertí.
