MERKA, AP.- Aerolíneanan merikano a kanselá alrededor di 5.300 buelo pa djaluna i djamars, debí ku e pais ta sperando un tormenta di wenter ku mester trese sneu ku sigur lo interumpí biahenan entre nortost di Merka.
E wèpsait di e servisio FlightAware.com a bisa mèrdia ku a kanselá mas di 1.400 buelo djaluna i mas di 3.900 djamars.
Chicago tabatin e porshon mas grandi di kanselashon di buelo djaluna, miéntras ku e interupshonnan di djamars a afektá e region di Washington mas ku Boston, inkluyendo e área di New York.
E aerolíneanan mas importante ta debolbiendo na klientenan na un máksimo di 200 dòler. E restrikshonnan ta vários segun e aerolínea.
Southwest a kanselá mas di 300 buelo djaluna i kasi 900 programá pa djamars, segun FlightAware.
American Airlines i Envoy Air, su kontratista bou di American Eagle, a kanselá un total di mas di 300 buelo djaluna i 700 djamars. JetBlue Airways ku ta manera operashonnan grandi entre Boston i New York, ya a kanselá mas di 600 buelo programá pa djamars, segun indikashon di FlightAware.
