BOGOTA, COLOMBIA, AFP.- Míles di manifestante a protestá djamars den siudatnan prinsipal di Colombia, kontra reformanan proponé pa e gobièrnu iskierdista di Gustavo Petro.
Mayoria manifestante a bisti na blanku i a subi nan bandera di e pais suramerikano. E manifestantenan a protestá den kayanan di Bogotá, Medellín, Cali, Barranquilla, i otro kapitalnan di departamentonan.
Den sentro di e kapital kolombiano, míles di hende tabata kanando den direkshon di Plasa di Bolívar, serka di e sede di e presidente i di Kongreso kaminda ta diskutiendo e reformanan di gobièrnu.
Na poder for di ougùstùs, Petro a presentá proyektonan pa redusí e partisipashon privá den e sistema di salubridat, redistribuí teranan improduktivo, reformá leinan laboral, penshun i hustisia, desarmá organisashonnan ilegal, guia e pais pa kuminsá usa energianan limpi, entre otro reformanan, pero e no tin sufisiente voto.
Algun partido tradishonal ku a sosten’é na komienso di su mandato a kuminsá bira lomba p’e.
