BAMAKO, MALI, AFP.- Sostenedonan opositor a aglomerá den sentro di Bamako pa selebrá retiro di presidente Ibrahim Boubacar Keita.
Míles a kongregá riba e plasa di Independensia den e kapital, kaminda diferente protesta a tuma lugá últimamente.
E manifestantenan a protesta durante tres dia e ora ku trupanan militar a arestá e presidente di 75 aña, fòrsando e pa anunsiá su renunsia. Ademas, a develá un hunta ku lo goberná te ora un “presidente transishonal” tuma ofer.
Inisialmente e protesta di ayera a wòrdu plania pa manifestá kontra presidensia di Keita. E mandatario, kende a gana na aña 2018 kaminda el a wòrdu reeligí pa un di dos mandato di sinku aña a anunsiá su resignashon djárason trempan, bisando ku e no tin ningun otro opshon i e kier pa kosnan kana pasífiko.
