ORLANDO, MERKA, AP.- Dos hòmber ta den prizòn i polis na Florida ta buskando algun mas en konekshon ku e morto di un adolesente. Su sobredósis di remedi a pone ku investigadornan a deskubrí un ret di tráfiko humano.
Djárason, polis di Or l ando a anunsiá detenshon di Avorice Jeno Holman, di 19 aña i Jose Ignacio Santiago Sotomayor di 22 aña. E dos personanan aki ta detené sin fiansa.
E víktima di 14 aña a wòrdu trasladá pa un hospital na Orlando riba 14 di ougùstùs a kousa di un sobredósis di xanax. Despues el a fayesé.
“E mucha a haña e remedinan aki pa lubidá ku el a tene relashon seksual ku algun hòmber”, segun agente Michael Fields, di polis di Orlando.
El a agregá ku “e hòmbernan a wòrdu menasá debí ku e hòmbernan aki a mustra nan arma i atvertí nan pa no papia nada tokante lokual nan a sosodé”. E abusu a dura ocho dia.
E dos hòmbernan den prizòn i esnan ku ta wòrdu buska ta enfrentá kargonan ku ta inkluí asesinato premeditá, trafikashon di menor i prostitushon di e menornan.
Na momentu ku e mucha a muri, un polis den e hospital a kuminsá investigá i a involukrá detektivenan.
