WEST PALM BEACH, FLORIDA, MERKA, AP.- Un mucha di 12 aña ta akusá di mata un beibi di 4 luna, despues ku esaki a stek e ku un kusinchi pa e stòp di yora.
Lori Colombino, bosero di polis di West Palm Beach, a bisa den un komunikado ku e hóben a keda detené djárason i akusá di asesinato.
Segun e komunikado, polis i paramédikonan a haña e beibi inkonsiente riba 2 di desèmber último. E beibi a wòrdu pronostiká morto despues di a yega hospital.
Polis ta bisa ku e mucha a konfesá di a sofoká e beibi ku un kusinchi pa evitá ku e ta yora.
Polis no a publiká e género di e víktima. No a publiká nòmber ni otro detayenan tampoko.
