MERKA, AP.- Un hòmber merikano i su kasá transgenero a demandá Amazon ku e argumento ku nan a sufri diskriminashon durante aña na momentu ku nan tabata traha den e mangasina gigante di benta via Internèt na nort di Kentucky.
E abogado di e pareha a bisa ku e kaso ta notabel, pasó Amazon, un di e korporashonnan mas grandi di Merka tin e tradishon di apoyá derechi di e komunidat homoseksual i transgenero.
E demanda a wòrdu atendé pa Korte Federal di Distrito na Covington, Kentucky, i ta sigurá ku Dane Lane i su kasá Allegra Schawe-Lane a wòrdu menasá i insultá di parti di vários kolega.
Amazon no a rospondé mesora na momentu di solisitut di e komentarionan.
E defensa di e pareha ta wòrdu hibá korte pa abogadonan di Kentucky kual ta representá Fondo di Edukashon i Defensa Legal Transgenero, un organisashon dediká na defendé derechi di e komunidat transgenero.
E demanda ta pidi un indemnisashon pa daño, kual su montante ta wòrdu determiná pa un hurado. Korte a eksihí Amazon pa implementá programanan pa sigurá e trato respetuoso na empleadonan transgenero.
E pareha a wòrdu kontratá na Amazon den òktober 2014 i a renunsiá un aña mas despues, ku e argumento ku e ambiente na trabou tabata intolerabel.
Dos luna promé ku renunsia, e pareha a presentá un denunsia pa deskriminashon den Komishon pa Igualdat i Oportunidat di Trabou.
E institushon federal a determiná e aña ei ku tin evidensia serio den alegashon di e pareha aki i ku tin elementonan pa presentá e demanda.
