IOWA, AP.- Un muhé hispano a bisa ku su koleganan blanku den un ofisina di kobransa di Iowa a usa imágennan di Donald trump pa tent’e rasialmente durante lunanan, despues ku el a rabia ora e kandidato republikano pa presidente a bisa ku imigrantenan mèksikano ta violadónan, di akuerdo ku un demanda sivil ku el a presentá kontra di e empresa.
E koleganan di Alexandra Avila na Sedgwick Claims Management Services ku ta atministrá fiansa pa empleadonan di Wal Mart a kuminsá yam’e imigrante ilegal apesar ku e ta siudadano merikano, di akuerdo ku su akusashon ku el a presentá na korte di e distrito di Iowa.
E demanda ku ta akusá Sedgwick i e dos supervisornan ta bisa ku Avila a sufri deskriminashon basá pa su orígen nashonal i ku e empresa no a page su orarionan di trabou. E ta bisa ku su eks koleganan a pone un imágen di Trump rabia komo ‘screen saver’ di su kompuiter, nan a inskirbie pa boluntario i sukampañaiamand’e mensahenan rasista.
Avila kende ta traha pa Sedgwick pa 3 aña kaba ta bisa ku e ta enfrentá kondishonnan kasi igual ku su trabou na Coralville Iowa for di yüni 2015 ora e kampaña di Trump a kuminsá i te asta 5 luna despues ku el a bai di einan.
Lesley Gudehus bosero di Sedgwick ku sede na Memphis Tennessee a nenga na duna komentario riba e demanda. Avila di 32 aña a nase na California di mayornan mèksikano. Su koleganan a kuminsá tende ora el a bisanan ku el a rabia pa loke Trump a bisa. Asta su hefe a harié ora un di su koleganan a bisé ku e no por partisipá na un reunion sosial di trabou pasobra e ta imigrante ilegal, asina e demanda ta bisa mas aleu.
Avila a pèrdè trabou na Novèmber i nan a mand’e su pertenensianan via mail ku un nota ku ta yam’e “La Trumpa” i ku ta bisa mas aleu ku e no por traha ni vota na Merka pasobra e ta imigrante ilegal.
