VARSOVIA, AP.- Mas o ménos 400 muhé a protestá dilanti e residensianan di obispu despues ku e Iglesia Katóliko a pidi gobièrnu pa prohibí aborto.
E protesta a tuma lugá na Varsovia i vários di e muhénan tabatin ganchu di paña, símbolo di aborto ilegal.
Siman pasá, Episcopado a emití un komunikado pidiendo gobièrnu pa aprobá un lei ku ta prohibí aborto totalmente.
E gobièrnu konservador di Polonia ta na fabor di hasi normanan kontra aborto mas fuerte, i un proposishon ku lo wòrdu debatí pa un komishon parlamentario e siman aki.
Aktualmente, Polonia ta permití aborto si bida òf salu di e muhé ta kore peliger, si embaraso tabata un kousa di insesto òf violashon, òf si e feto ta inkurablemente malu òf desformá.
