MOSCOW, AP.- Dos muhé ku tabata den karentena komo konsekuensia di e Coronavirus a hui di e hospital kaminda nan tabata “detené” i a akusá e institushon ku su dòkternan hostil i di duna mal atenshon médiko.
E eskape a sosodé meimei di brote di vírus ku a originá na China i ku a infektá mas di 40.000 persona rònt mundu. Rusia a reportá solamente dos kaso di COVID-19. Pero asina mes outoridat a tuma medida estrikto pa evitá infekshon i komo prekoushon a hospitalisá diferente persona ku a regresá di China.
Ainda outoridat ruso no a reakshoná riba e eskape aki.
Mayoria persona a denunsiá ku e kondishonnan den hospitalnan ruso ta malu. E pashèntnan a bisa ku nan mester biba den kambernan aislá i será na lòk i lidia ku dòkternan konfuso pa ku e proseder den kasonan di karentena.
Den un mensahe ekstenso riba medionan sosial, e muhénan a relatá ku e tèst di coronavirus tabata negativo, pero asina mes nan mester a keda den karentena, kual nan no tabata di akuerdo kuné.
Dos siudadano chines ku e coronavirus a wòrdu hospitalisá luna pasá na Rusia pero nan a rekuperá kompletamente di e enfermedat i por a bandoná e hospital, segun informashon di outoridat.
