17 KASO DI MIKROSEFALIA RELASHONA KU ZIKA
GUATEMALA, AP. – Outoridatnan di salú di Guatemala a konfirmá 17 kaso di mucha nasé ku mikrosefalia asosiá ku e vírus di zika.
Ministerio di Salú a informá djárason ku dia promé di yanüari pa 28 di ougùstùs a konfirmá 616 kaso di e vírus, di kual 179 ta korespondé na muhénan na estado. 17 beibi tabatin mikrosefiala i 13 pashènt a haña infekshonnan neurológiko. E kasonan a keda konfirmá pa laboratorionan nashonal i Sentro di Kòntròl di Enfermedat Transmisibel di Merka.Zika ta wòrdu transmití spesialmente pa pikadura di sangura, pero e por wòrdu transmití seksualmente tambe, segun ekspertonan. E por kousa serebronan desformá i a wòrdu vinkulá ku beibi ku kabes apnormalmente chikitu. Asina sientífikonan di Organisashon Mundial di Salú a bisa.
Ta sospechá tambe ku esaki ta kousa e parálisis temporal konosí komo Guillain-Barré.
Outoridatnan guatemal teko a pidi parehanan pa informá nan mes tokante e vírus, praktiká ‘safe sex’ i usa métodonan di planifikashon familiar si esaki ta kumbiniente.
Tambe a pidi e pueblo pa usa paña adekuá i repelente pa protehá kontra pikadura di sangura, evitá akumulashon di awa i di ko’i shushi ku por sirbi komo habitat pa e insektonan aki.
OMS a deklará un emergensia mundial pa e enfermedat den febrüari.
