EL CAIRO, AP.- Míles di sivil a keda pega den kombatenan intenso entre e dos bandanan afektá pa un distrito kontrolá pa milisianonan na nort di Yemen, segun indikashon di e agensia humanitario di Nashon Uní djamars.
E kantidat di personanan desplasá a bira dòbel durante último seis lunanan, i mas di 5.300 famia a hui di e distrito i zonanan rondó di esaki durante último simannan, segun splikashon di Ofisina di Nashon Uní pa Koordinashon di Asuntunan Humanitario.
E distrito a wòrdu gòlpiá ku liñanan di komunikashon kòrtá i “míles di sivil pegá entre e partinan den konflikto”, segun indikashon di Nashon Uní.
Durante último dos dianan, atakenan aéreo di e koalishon liberá pa Saudi Arabia, kual ta lucha na nòmber di e gobièrnu di Yemen i rekonosé internashonalmente, a kousa 22 morto, inkluyendo di muhénan i 14 menor den e zona.
“Sivilnan ta sigui muri innesesariamente den un konflikto ku mester i por wòrdu resolvé”, segun Lise Grande, koordinador humanitario di Nashon Uní na Yemen.
