NASHON UNI, AP.- E sekretario general di Nashon Uní Antonio Guterres a krítika e menasa di presidente Donald Trump di usa forsa na Venezuela pa resolvé e krísis polítiko di e pais, segurando ku e dianan di intervenshon merikano den Latinoamérika ya a pasa.
Guterres a kritiká e presidente venezolano Nicolás Maduro pa krea un Asamblea Konstituyente eksklusivamente ku miembronan ofisialista, ku podernan superior na tur sobrá instansia polítiko, afirmando ku dianan outoritario den e region tambe a pasa.
“Ta plenamente evidente ku Latinoamérika den último dékadanan a liberá batayanan pa rechasá tantu e intervenshon estranhero manera outoritarismo”, segun indikashon di Guterres na reporteronan.
“Esaki ta un lès importante, ta hopi importante pa mantené e logronan aki i spesialmente na Venezuela, mester mantené ámbos aspekto”, segun el a agregá.
El a pidi tantu gobièrnu komo oposishon venezolano pa reanudá negosiashonnan “pasó mi ta pensa ku e úniko solushon ta un solushon polítiko ku ta basá riba e negosiashonnan aki”.
Guterres a bisa ku e ta sostené lidernan regional òf mediadó pa asina sostené gobièrnu i oposishon na Venezuela “pa purba avansá den negosiashonnan polítiko”.
“Mi tabata den kontakto estrecho ku tur parti” asina el a ekspresá.
