NEW YORK, AP.- E suisidio di Jeffrey Epstein a kousa hopi pregunta den e prizòn federal na New York ku apesar di un skarsedat króniko di personal, tòg e prizòn ta akohé algun prezu di seguridat haltu den e pais.
E morto di Epstein a kousa káos den Ofisina federal di Prizòn, e agensia di e prizòn ku ya a wòrdu kritiká pa morto di e gangster Boston James “Whitey” Bulger.
Ambos morto ta resaltá “un problema serio tokante falta di liderazgo” den BOP. Un abogado defensor di Epstein a kulpa un wardadó di prezu bisando ku e no a wòrdu protehá.
Ofisina Federal di Prizòn no a reakshoná riba vários mensahe pa duna un deklarashon tokante Epstein su morto. Pero e sekretario di Hustisia William Barr a eksigí kontesta, bisando ku el a keda asombrá ku e supuesto suisidio i a anunsiá algun investigashon federal di FBI i Inspektor General di Departamento di Hustisia.