MANAGUA, AP.- E gobièrnu di Nicaragua a konsedé asilo polítiko na e eks presidente di El Salvador, Mauricio Funes, pa konsiderá ku su bida i integridat físiko tabata na peliger. Asina e korant La Gacet a indiká djamars.
E asilo ta inkluí su pareha Ada Mitchell Guzman i su tres yunan pa konsiderá ku nan ta den peliger pa “lucha pro demokrasia, pas, hustisia i derechonan humano” i pa su afiliashon polítiko na El Salvador.
Atraé di su kuenta di Twitter, Funes a informá ku el disidí pidi asilo dia 31 di ougùstùs ” despues di konstatá e persekushon polítiko ku ta kuminsá den mi kontra”. E fecha di solisitut ta promé di sèptèmber, nèt na momentu ku Korte Supremo di El Salvador a pidi pa publiká un lista di biahe ku Funes a hasi durante su mandato ku fondonan públiko.
