WASHINGTON (AP).- E siman aki Presidente Donald Trump a reuní ku su sekretario di Seguridat Interior i tambe otro ofisialnan pa diskutí e problemátiko di seguridat di frontera komo un siere parsial di su gobièrnu ku tin di aber ku e muraya ku e ke traha na frontera ku México. Ambos partido a konsentrá riba e pari di plaka ku no ta presupuestá pa traha e muraya ku tantu Trump a primintí.
Kas Blanku a insistí ku Trump lo rechasá kualke dil ku no ta inkluí e plaka pa pone e muraya òf waya; Demokratnan den kongreso a para duru riba nan oposishon kontra e muraya òf kualke otro barera físiko.
“No tin nada nobo, nada nobo riba e siere (shutdown), ku eksepshon ku nos tin mester di seguridat na frontera”, asina Trump a deklará na reporteronan na Kas Blanku, miéntras ku e tabata kontestá telefòn di muchanan ku kier a sa ki dia nan ta haña nan regalonan di Pasku. Den un deklarashon konhunto, e lidernan Demókrata den Kongreso, Senador Chuck Schumer i Republikano Nancy Pelosi a duna di konosé ku miéntras ku Trump ta sigui skucha House Freedom Caucus i otronan ku ta derechista, anto lo no tin un solushon fásil pa e impase.
