SEUL, SURKOREA, AFP.- Norkorea a konfirmá ku e pais lo lansa un satélite di spionahe den yüni. E satélite ta pa vigilá movishonnan militar di Merka i su sosionan den ‘real time’, segun indikashon di e agensia ofisial KCNA djamars.
E “satélite di rekonosementu militar” lo keda lansá den yüni pa “enfrentá akshonnan militar peligroso di Merka i su sosionan”, asina visepresidente di e komishon militar sentral Ri Pyong Chol a bisa.
Hapon a sigurá djaluna ku Pyongyang a notifiká ku e pais tin intenshon di lansa un “satélite” den e próksimo simannan.
E despacho di promé minister, Fumio Kishida a indiká djaluna riba Twitter ku outoridatnan di su pais a pensa ku e lansamentu ta involukrá un “misil balístiko”.
Segun Tokyo, Pyongyang a informá na Wardakosta hapones ku lo lansa e rakèt entre 31 di mei i 11 di yüni, kual lo kai den awanan di Yellow Sea, i laman di China Oriental òf na ost di isla Luzon, na Filipina.
