SEUL, SURKOREA, AP.- Norkorea a tira un proyektil no identifiká desde su kapital Pyongyang ku a bula riba Hapon pa despues kai den oséano Pasífiko. Asina funshonarionan a informá djamars.
E estado di Seul a bisa ku e misil a bula 2.700 kilometer i a yega un altura máksimo di 550 kilometer. Funshonarionan hapones a indiká ku e misil a bula riba Hokkaido. Ningun daño no a wòrdu registrá.
E kanal di televishon hapones NHK a informá ku e misil a separá den tres parti.
E lansamentu a tuma lugá algun dia despues ku Norkorea a lansa tres misil di korto alkanse den laman, i un luna despues di su segundo prueba di un misil balisitko interkontinental, kual analistanan a indiká ku por yega teritorio di Merka ora ku esaki wòrdu perfekshoná.
Normalmente, Norkorea ta reakshoná ku furia riba ehersisionan militar di Merka i Surkorea, ku aktualmente ta tumando lugá.