WILLEMSTAD.- Ayera minister di finansa sr. Javier Silvania riba su página di Facebook a indiká ku Ontvanger a risibí basta mion di florin for di sektor di notario.
Segun minister Silvania, den e promé 7 luna di aña Ontvanger a risibí un promedio di Naf 2.6 mion pa luna na “Overdrachtsbelasting”. Den luna di ougùstùs, Ontvanger a risibí Naf 5.6 mion, den luna di sèptèmber Naf 8.8 mion. Segun e titular di finansa, esaki ta un rekòr nunka bisto.
Ta for di dos siman pasá minister Silvania a kuminsá duna informashon di e sektor di notario aki na Kòrsou. Esaki despues ku Kontraloria General a publiká un rapòrt riba funshonamentu di notarionan na Kòrsou, kual no tabata mustra masha alentador. Den e rapòrt ta ilustrá ku e mundu di notario lo ta faya grandemente den nan funshonamentu.
Seguidamente e minister a sigui anunsiá ku lo a pone beslag riba kuenta di banko di notario. Tambe e minister a anunsiá ku “aanslag” mionario a bai pa notario. Finalmente el a indiká ku beslag a kai riba kuenta bankario di un notario. Ademas ku tabatin mas “aanslag” na kaminda pa notarionan.
Alabes e minister a bisa ku e rapòrt di Rekenkamer tokante notario no ta bai lachi di olvido, pasobra su persona a duna servisio di belasting instrukshon pa bai kobra e sèn di belasting serka notarionan. Esaki un siman atras, pa ayera e minister a indiká ku lo a haña bastante mion for di e sektor enkuestion.
