KABUL, AFP.- E komunidat internashonal mester negoshá ku e talibannan pa evitá un katástrofe humanitario na Afganistan, asina e sekretario general di ONY Antonio Guterres a bisa ayera, dia ku e promé buelo komersial a baha na Kabul, un di e promé señalnan di normalisashon di e pais.
Miónes di afgano ya ta afektá pa un sekura agudo i e konsekuensianan di pandemia di COVID-19. Segun ONU e falta di apoyo kasi henter e poblashon afgano 97% por kai bou di e paraplü di pobresa otro aña siendo awor e ta 72%.
Guterres a konsiderá masha importante pa Nashonnan Uní papia ku e talibannan pa fasilitá e entrega i distribushon di ayudo humanitario.
“Ta imposibel duna yudansa humanitario na Afganistan sin papia ku e outoridatnan di e pais”, asina Guterres a bisa den un rueda di prensa despues di un reunion ministerial na Ginebra ku lo permití na rekoudá mas di 600 mion di dòler den yudansa pa e organisashonnan humanitario di e pais.
