MIAMI, AFP.- E tormenta tropikal Nicholas ku ta bayendo direkshon di Texas por bira mas fuerte te asta un orkan promé ku e alkansá e kostanan sur di Merka, asina Sentro Nashonal di Orkan a atvertí.
Te ku ayera e siklon tabata na 115 kilometer di Port Aransas den golfo di Mexico. Ta spera ku e por toka suela den oranan di mardugá awe.
E tormenta ku tabatin bientunan máksimo di 95 kilometer pa ora, por provoká inundashonnan i hopi bientu, asina e sentro meteorológiko a sigui bisa.
Nicholas por tin forsanan serka di un orkan ora e mishi ku tera asina e sentro a indiká. Ya a pone abitantenan di Texas den alerta sperando e tormenta/orkan.
