NAPLUSA, TERITORIONAN PALESTINO, AFP.- Diesun palestino a muri i mas ku 80 a resultá heridá despues ku nan a haña bala den un razia militar israelí na Naplusa, na West Bank okupá, kaminda a registrá vários konfrontashon segun Outoridat Palestino.
Aparte di un adolesente di 16 aña, nuebe hòmber di 23 pa 72 aña a muri durante e razia, segun indikashon di e Ministerio palestino di salubridat. Algun ora despues el a anunsiá morto di un hòmber mas di 66 aña pa inhalashon di gas lakrimógeno.
Por lo ménos 82 persona a keda interná den hospital ku herida di bala den diferente establesimentu den e siudat palestino aki, algun su kondishon ta grave, segun indikashon di e ministerio den un komunikado.
Forsanan israelí a indiká anteriormente ku tin un operashon ku ta tumando lugá na Naplusa i ku esaki ta dirigí riba sospechosonan “den un apartamento kaminda nan ta skondiendo”, i nan ta akusá ku atakenan na West Bank.
E sekretario general di Nashonnan Uní, Antonio Guterres a lamentá ku e stuashon “riba teritorio palestino okupá” ta “esun di mas eksplosivo den vários aña”.
