LOS TEQUES, VENEZUELA, AP.- Ku protestanan rònt di e pais, oposishon venezolano, alerta pa e mobilisashon masivo di siman pasá, a intensifiká preshon pa logra un realisashon pronto di referèndem kontra mandatario di presidente Nicolás Maduro.
Mayoria mobilisashon ku ta desaroyá den 23 estado i serka sedenan di Konseho Nashonal Elektoral ( CNE), a kulminá di forma pasífiko ku eksepshon di loke a pasa den estado di Apure, Falson, Trujillo i Cojedes kaminda tabatin konfrontashon entre partidario di gobièrnu i opositornan i a registrá por lo ménos shete herido. Asina e sekretario ehekutivo di aliansa Jesus Torealba a indiká.
Ounke oposishon a logra un marcha pa demostrá su forsa den kayanan i poder di e organisashon, no tabatin muchu avanse pa e organismo elektoral aselerá e rekolekshon di firma di 20% di votadónan.
