SAN FRANCISCO, MERKA, AFP.- Vários organisashon di derechinan fundamental a uni ku e speransa pa impedí ku Elon Musk ta kumpra Twitter, ku e miedu ku e magnate ta permití komportashon toksiko riba e plataforma.
“Si nos no blòkia e operashon, e lo duna un plataforma na e ekstremistanan ku ta ventilá odio, violensia i akoso”, asina Nicole Gille direktor ehekutivo di Accountable Tech a bisa den un komunikado.
E asosashon aki ku ta mitigá pa responsabilisá empresanan digital grandi, huntu ku un kantidat mas ku ta buska preshoná e outoridatnan, akshonistanan i e anunsiantenan.
E koalishon ta spera di mobilisá e akshonistanan, espesialmente esnan mas vulnerabel pa e komportashon erátiko di Elon Musk, asina e organisashonnan ta argumentá, kòrdando ku e akshonnan di Tesla a pèrdè un terser parti di nan balor for di nan kuminsamentu na aprel.
Biden tambe tin su opinion riba Musk. E presidente merikano Joe Biden a dirigí su mes na e magnate Elon Muska, deseando esaki suerte riba luna despues di ekspresá pesimismo pa ku e ekonomia di Merka.
Segun un reportahe di Reuters Muska a bisa ehekutivonan di Tesla ku nan tin un mal presentimentu riba e ekonomia merikano. E multimionario ku a laga sa bon kla ku e no ta fanátiko di Biden, a agregá ku e ke redusí e forsa di trabou di e fábrika di outonan eléktriko na 10%.
E demókrata a kontesta e komentarionan di Musk reportando na prensa e kresementu na e rivalnan di Tesla, na momentu ku a selebrá e indikadónan riba empleo na mei ku ekonomistanan ta konsiderá un kaminda sano i potensial pa ku e ekonomia despues di pandemia.
