AGUJITA, MEXICO, AFP.- E mina inundá kaminda 10 trahadó ta pega ya pa 11 dia kaba na not di Mexico a registrá un “oumento abrupto den e nivel di awa”, segun informashon di outoridatnan djadumingu, agregando ku esaki por kompliká labornan di reskate.
E notisia ta un gòlpi fuerte pa famianan di e mineronan, ku djasabra ya indiká ku nan ta “desesperá” mirando kon slou e reskate ta progresando. Ademas, nan a ekspresá nan deskonfiansa pa ku liderazgo di e operashon i maniobranan efektuá te ainda.
Un komunikado di gobièrnu a indiká ku e nivel di awa a oumentá ku entre 8 i 10 meter kompará ku e nivelnan reportá djabièrnè.
