TAIPEI, TAIWAN, AFP.- Un delegashon di Kongreso di Merka a yega Taiwan djadumingu, segun indikashon di funshonarionan, algun dia despues ku China a realisá ehersisionan militar den área di e isla komo represaya pa e bishita di presidente di Kámara di Representante, Nancy Pelosi.
E biahe no anunsiá di djadumingu a tuma lugá despues ku Pelosi a hasi China furioso ku su bishita na Taiwan na komienso di e luna aki, kual a provoká simulashonnan aéreo i marítimo sin presedente ku posibilidat pa desaroyá den un konflikto. E di dos bishita aki tambe a hasi China furioso.
E delegashon di sinku miembro, enkabesá pa senador Ed Markey di Massachusetts, lo reuní ku presidente Tsai Ing-wen i lo bishitá un bankete organisá pa e minister di Eksterior Joseph Wu, segun indikashon di e minister di eksterior di Taiwan.
China ta mira Taiwan komo su propio teritorio. China a manda barkunan di guera, misilnan i avionnan den área di Taiwan, te ku un siman despues di Pelosi su bishita.
