CHICAGO, AP.- E uso di mariwana durante embaraso na Merka a dupliká i ta mas komun durante e promé trimèster, konforme un estudio di gobièrnu.
Algun estudio a vinkulá e konsumo di mariwana durante embaraso ku un probabilidat mas haltu di partonan prematuro i nasementu di bebinan ku tiki peso. Estudio riba animalnan a vinkulá un dósis haltu na komienso di e embaraso ku apnormalidat serebral den e feto, pero no ta konosí si e uso típiko tin e mesun riesgonan pa e ser humano, segun dòkter Nora Volkow, direktor di Instituto Nashonal kontra Abusu di Droga.
