CANBERRA (AP).- Oustralia a pasa den su luna di mas kayente pa loke ta luna di yanüari, miéntras ku e temperaturanan ekstremo ta sigui ku diferente sitio ku kandela di mondi komo konsekuensia di e sekura ekstremo ku tin. E ofisina di meteorologia di Oustralia a konfirmá ku e temperaturanan di ayera tabata un rèkert den luna di yanüari, miéntras ku partinan nort di nos hemisferio a registrá temperaturanan rèkert pa loke ta frialdat.
Oustralia a kuminsá ku un 2019 hopi kayente, ku temperaturanan promedio di riba 30 grado Celsius, ku ta e di tres aña di mas kayente registrá. Añanan 2005 i 2013 tabata mas kayente ku 2018 ku a terminá ku e luna di desèmber di mas kayente den historia.
Prueba di tur esaki ta p.e. ku míles di raton di anochi tabata kita kai for di palunan debí na kayente den Victoria State, miéntras ku tin kareteranan ku a kuminsá smèlt durante olanan di kalor luna pasa. Ofisialnan na New South Wales a duna di konosé ku áwaseru ta nesesario pa kibra e sekura aki i pa yuda kambia e kalidat di awa. Tin míles di piská ta muriendo, miéntras ku a registrá dos persona ku a fayesé tambe pa motibu di e kayente ekstremo.
