SIUDAT DI VATIKANO, AP.- Den un medida konsiderá sin presedente, papa Fransisco a retirá e merikano Theodore McCarrick su título di kardinal despues di denunsianan di abusu seksual. E denunsianan ta inkluí unu ku a involukrá un mucha di 11 aña. Vatikano a anunsiá djasabra ku papa a ordená McCarrick pa hiba un “bida di orashon” den un kas designá pa e pontífise te ora e huisio eklesiástiko terminá.
Kibrando ku práktikanan anterior, Fransisco a disidí pa aktua rápidamente dor di aseptá su renunsia ofresé na Washington D.C., inkluyendo promé ku e akusashonnan a wòrdu investigá pa funshonarionan di e iglesia. McCarrick tabata un di e miembronan mas prominente di e Iglesia Katóliko di Merka.
Fransisco a haña un karta kaminda McCarrick a presentá su renunsia di Kolegio di kardinal djabièrnè anochi, despues ku den simannan resien tabatin un multiplikashon di denunsianan kontra e saserdote di 88 aña ku a abusá di muchanan.
Atraves di e anunsio, e Santa Sede a señalá ku Fransisco a disidí pa aseptá retiro di McCorrick i ordená pa e wòrdu detené promé ku “eksaminá e akusashonnan de su kontra den un huisio regular”.
