HAVANA, AP.- Parlamento kubano a kuminsá un seshon plenario ku e ophetivo di aprobá reformanan den e konstitushon.
E seshon a wòrdu enkabesá pa presidente Miguel Diaz-Canel i Raul Castro, promé sekretario di Partido Komunista di Cuba (PCC) i su predesesor.
E grupo di mas di 600 diputado ku ta forma Asamblea di Poder Popular, Parlamento di isla, a traha den komishonnan pa yega ku dos punto di agente: un evaluashon di e situashon ekonómiko di e isla i e reforma di e karta magna. E minister di Ekonomia, Alejandro Gil, a indiká na diputadonan ku e problemanan ku turismo i e industria di suku a kontribuí ku no a logra e kresementu di 2% di Produkto Interno Bruto kalkulá pa 2018, kual finalmente e logra 1,2%.
Legisladornan mester aprobá e teksto kual lo wòrdu aprobá òf rechasá den un referèndem den febrüari.
Asamblea di Poder Popular ta reuní solamente dos biaha pa aña, den yüli i desèmber.
