HOUSTON, AP.- Patruya na Frontera a bisa di a reskatá 450 persona desde ku esaki a manda botonan den e zona di Houston djaluna.
John Morris, hefe personal na sùit di Texas, a bisa ku e agentenan no ta ehekutando lei di inmigrashon pero ku ta “presente apsolutamente den shen porshento pa reskate i seguridat”.
Morris a bisa ku 35 boto di e agensia tabata nabegando den kayanan inundá djaweps.
E presensia di agentenan di patruya a kousa periodismo entre e inmigrantenan, pero hefenan di e agensia a bisa ku esaki ta partisipando solamente den búskeda i reskate.
Departamento di Seguridat Públiko di Texas a informá ku mas di 37.000 kas a sufri dañonan grave i kasi 7.000 a wòrdu destruí pa Harvey i e inundashonnan.
E sifranan, ku ta oumentá konstantemente, ta di un kalkulo di daño realisá diariamente pa outoridat lokal.
Kondado di Harris, ku ta inkluí Houston, a informá ku kasi 30.000 kas a sufri dañonan menor i kasi 12.000 daño grave. E kondado di Jefferson, ku ta inkluí Port Arthur i Beaumont, a informá destrukshon di 5.500 kas i dañonan grave den 16.000 zona kaminda e inundashon por persistí pa vários dia.