WASHINGTON, AP.- Patruya na Frontera di Merka ta purbando di kontratá mas personal pa lidia ku e yegada masivo di migrantenan na frontera ku México, segun informashon di outoridat djamars.
Ophetivo ta pa aliviá e karga di agentenan, kende por regresá na nan kampo di trabou kual ta patruyahe. Solamente e proseso atministrativo por tarda entre dos i tres ora pa famia. Outoridat a detené 58.474 famia luna pasa.
Patruya na Frontera tin mas o ménos 19.500 agente na nivel nashonal i a bataya ku e konfrontashon durante vários aña. E kantidat di agentenan a yega na su nivel máksimo di 21.444 na aña 2011. Mayoria puesto ta rekerí pa e trahadó biba den pueblonan isolá entre frontera di México i Merka.
E agentenan mester aprobá un revishon detayá di antesedente i un tèst pa detektá mentira, ku un tasa di aprobashon di solamente 28% entre 2013 i 2016. Ofisina di Duana i Protekshon na Frontera di Merka su tasa di satisfakshon di empleadonan ta abou.
E puestonan na frontera ta eksagerá dor di e entrada di famianan migrante i gruponan kada biaha mas grandi di personanan bandoná a lo largo di frontera na sùitwèst.
