PANAMA, AP.- Mike Pence a bishitá e kanal amplia di Panamá ta reuní ku e mandatario panameño Juan Carlos Varela pa asina dialogá tokante seguridat regional, komersio i e krísis polítiko den Venezuela.
Pence a yega di Chile despues di pasa Colombia i Argentina, paisnan kaminda e atministrashon di Donald Trump kier revitalisá relashon komersial i na mes momentu preshoná e bloke pa un salida di e krísis polítiko i ekonómiko na Venezuela. Mas di kuater luna di protesta antigubernamental a laga mas di un sentenar di morto.
E visepresidente merikano a lansa krítikanan kontra e gobièrnu di Nicolas Maduro durante e guera i a indiká ku Washington no ta bai krusa man i sigui pone sanshonnan ekonómiko i polítiko kontra funshonarionan di e nashon si e paso aki ta nesesario.
Pence a bishitá Panamá mas di un luna despues di e biahe di presidente Varela pa Merka pa reuní ku Trump. Den e sita aki, ámbos mandatario a bai di akuerdo pa oumentá esfuersonan den e region sentroamerikano pa lucha kontra krímen organisá, inkluyendo konfrontashon di e oumento di produkshon di kokaina na Colombia despues ku gobièrnu a pone fin na e konflikto armá di gueria FARC.
